Բիզնես (անգլ.՝ business, աշխատանք, զբաղմունք, ձեռնարկում), գործունեություն, որն ուղղված շահույթի շարունակական ստացմանը։ Շուկայական տնտեսության պայմաններում բիզնեսը համարվում է հիմնական զբաղմունքը, հասարակության տնտեսական և սոցիալական զարգացման աղբյուրը և ընդգրկում է գործունեության արտադրական, առևտրային, խորհրդատվական, բանկային և այլ ոլորտներ։

      Յուրաքանչյուր տնտեսվարող սուբյեկտ փորձում է հնարավորինս օպտիմալացնել հարկային պարտավորությունները և նվազագույնի հասցնել հարկային իրավական ռիսկերը: Ուստի պետք է նկատի ունենալ, որ հարկերի հաշվարկման, հարկային պլանավորման, օպտիմիզացման մեխանիզմների մշակման և ընդհանուր հարկային ռազմավարության ձևավորման գործում ֆինանսական իրավունքի մասնագետների ներգրավումը միանշանակ ապահովելու է հաջող և առանց ռիսկերի գործունեություն, միաժամանակ ստեղծելով կայուն զարգացման երաշխիքներ:

     «Արմատ» իրավաբանական ընկերության իրավաբանները ներգրավված են շուկայում գործարքային հարցերի ամենալայն շրջանակում՝ սկսած խոշորագույն հանրային ընկերությունից մինչև մասնավոր կապիտալի և հովանավորների կողմից նախաձեռնված գործարքների ամբողջ սպեկտրում: Եվ յուրաքանչյուր պարագայում Ընկերության նպատակն է հնարավորինս արդյունավետ եղանակով հասնել Հաճախորդի բիզնես նպատակներին:

     Հարկային հարաբերություներին առնչվող գործերով զբաղվող մեր իրավաբանները արդյունավետ կերպով կներկայացնեն Ձեր շահերը և կապահովեն որակյալ իրավաբանական օգնություն հարկային վեճերի լուծման հետ կապված հարաբերություններում: Հարկային իրավունքի ոլորտում ծառայությունների մատուցումը մեր ընկերության առաջնային ուղղություններից մեկն է:

Հարկային ոլորտում մենք առաջարկում ենք հետևյալ ծառայությունները.

• Հարկային օրենսդրության ուսումնասիրություն, խորհրդատվության, իրավաբանական եզրակացության, ներառյալ մասնավոր հարցումներով գրավոր պարզաբանումների տրամադրում․
• Հարկային ռիսկերի բացահայտում, գնահատում և արդյունավետ իրավական լուծման առաջադրում.
• Հարկ վճարողի իրավունքների և օրինական շահերի ներկայացում ՀՀ ՊԵԿ, հարկային և մաքսային մարմինների բողոքարկման Հանձնաժողովում կամ այլ տեսչական մարմնում.
• Հարկային մարմինների կողմից իրականացվող ստուգումների փուլում մասնակցություն.
• Հարկային մարմինների որոշումների, գործողությունների և անգործության, այդ թվում՝ վերջիններիս կողմից կայացված տուգանքների, տույժերի վարչական ակտերի բողոքարկում, վիճարկում վարչական և դատական կարգով.
• Հարկային մարմինների կողմից ներկայացված հայցադիմումներով շահերի պաշտպանություն դատարանում:

Մաքսային ոլորտում մենք առաջարկում ենք հետևյալ ծառայությունները.

·  Մաքսային օրենսդրության ուսումնասիրություն, խորհրդատվության, իրավաբանական եզրակացության, ներառյալ մասնավոր հարցումներով գրավոր պարզաբանումների տրամադրում.

·     Մաքսային մարմիններում ապրանքների մաքսային ձևակերպումների համար անհրաժեշտ փաստաթղթերի նախապատրաստում ցանկացած փուլում.

·        Մաքսային մարմիններ ներկայացվող դիմումների, գրությունների և փաստաթղթերի պատրաստում.

·   Գործարքների մաքսային-իրավական աջակցություն, մասնավորապես պայմանագրերի, համաձայնագրերի, վճարահաշվարկային և այլ փաստաթղթերի կազմում, դրանց համապատասխանության ստուգում և խորհրդատվություն.

·       Մաքսային մարմինների հետ իրավահարաբերություններում ներկայացուցչություն.

·       Մաքսային մարմինների որոշումների, գործողությունների և անգործության, այդ թվում՝ վերջիններիս կողմից կայացված որոշումների բողոքարկում.

·       Մաքսային մարմինների հետ վեճերով շահերի պաշտպանություն, այդ թվում՝ դատարանում.

·       Մաքսային մարմինների կողմից հսկիչ գների ապօրինի կիրառման հարցերով շահերի պաշտպանություն: