Ընտանեկան օրենսդրությունը սահմանում է ամուսնության, ամուսնությունը դադարելու և անվավեր ճանաչելու պայմաններն ու կարգը, կարգավորում է անձնական ոչ գույքային և գույքային հարաբերություններն ընտանիքի անդամների միջև՝ ամուսինների, ծնողների և զավակների (որդեգրողների ու որդեգրվածների), իսկ ընտանեկան օրենսդրությամբ նախատեսված դեպքերում և շրջանակներում՝ մյուս ազգականների և այլ անձանց միջև, ինչպես նաև որոշում է առանց ծնողական խնամքի մնացած երեխաների խնամքը և դաստիարակությունն ընտանիքում կազմակերպելու ձևերն ու կարգը:

Ընտանիքի անդամների իրավունքների պաշտպանությունն իրականացվում է դատական կարգով, իսկ օրենքով նախատեսված դեպքերում և կարգով՝ համապատասխան պետական մարմինների կամ խնամակալության և հոգաբարձության մարմինների կողմից:

«Արմատ» իրավաբանական ընկերությունը նշված ոլորտում մատուցում է հետևյալ ծառայությունները.

• Խորհրդատվություն ամուսնության կնքման վերաբերյալ, ներառյալ դրա գույքային և ոչ գույքային հետևանքների, իրավունքների և պարտականությունների վերաբերյալ.
• Խորհրդատվություն ամուսնության պայմանագրի կնքման վերաբերյալ, ամուսնության պայմանագրի նախագծի կազմում, դրա կնքման հետ կապված կողմերի իրավունքների և օրինական շահերի ներկայացում լիազոր մարմնում.
• Խրհրդատվություն ամուսնության դադարման վերաբերյալ.
• Արտադատական կարգով ամուսնության դադարման գործընթացների իրավաբանական ուղեկցում.
• Դատական ներկայացուցչություն ամուսնալուծության հայցերով,
• Խորհրդատվություն երեխաների մասով, ներառյալ փոխադարձ իրավունքների և պարտականությունների վերաբերյալ.
• Խորհրդատվություն երեխաների, ինչպես նաև փոխադարձ ալիմենտային հարաբերությունների մասով.
• Ալիմենտի բռնագանձման վերաբերյալ գործերով ներկայացուցչություն դատարանում.
• Երեխաների խնամքի, բնակության վայրի որոշման և տեսակցության կարգի սահմանման հարցերում դատական պաշտպանություն, ներառյալ ներկայացուցչություն խնամակալության և հոգաբարձության մարմիններում և դատարանում.
• Ներկայացուցչություն Խնամակալության և հոգաբարձության մարմիններում.
• Որդեգրման գործընթացների իրավաբանական ուղեկցում.
• Հայրության ճանաչման գործերով դատական ներկայացուցչություն.
• Ծնողական իրավունքների արտադատական և դատական պաշտպանություն.
• Ծնողական իրավունքների սահմանափակման կամ ծնողական իրավունքներից զրկելու հետ կապված գործերով դատական ներկայացուցչություն.
• Երեխաների իրավունքների պաշտպանություն.
• «Երեխայի միջազգային առևանգման քաղաքացիական մոտեցումների մասին» Հաագայի Կոնվենցիայով նախատեսված ընթացակարգերով ներկայացուցչություն, ներառյալ Հայաստան անօրինական տեղափոխված կամ Հայաստանում անօրինակ պահվող երեխայի վերադարձի վերաբերյալ դիմումով գործերի վարույթով, ինչպես նաև Հայաստանի Հանրապետությունից ապօրինի տեղափոխված երեխաների վերադարձի հետ կապված գործընթացների կազմակերպում ՀՀ-ում և արտերկրում.
• Ամուսիների համատեղ սեփականություն հանդիսացող գույքի բաժանման վերաբերյալ դատական ներկայացուցչություն.
• Ամուսնաընտանեկան ցանկացած այլ հարցերով խորհդատվություն և դատական ներկայացուցչություն.