Աշխատանքային իրավունքը մարդու անօտարելի իրավունքների ու ազատությունների խմբին պատկանող իրավունք է, որով կարգավորվում են աշխատողների, արհմիությունների, գործատուների և պետության միջև փոխհարաբերությունները, ամրագրվում և երաշխավորվում են աշխատանքի իրավունքը, աշխատողների երաշխիքները, դրանց իրացման, ինչպես նաև պաշտպանության պայմանները և կարգը։ Ուստի յուրաքանչյուր ոք ունի իր ֆիզիկական գոյությունը, հոգևոր ու նյութական պահանջմունքները բավարարելու նպատակով սեփական աշխատանքով միջոցներ վաստակելու հնարավորություն։

    «Արմատ» իրավաբանական ընկերությունն առաջարկում է աշխատանքային իրավունքին առնչվող ծառայությունների ամբողջական շրջանակ:

Մենք հանդես ենք գալիս Ձեզ համար որպես վստահելի գործընկեր՝ մարդկային ռեսուրսների ողջ տիրույթում, նախքան աշխատանքի անցնելը, աշխատանքի ընթացքում և դրանից հետո:

Մեր ընկերության իրավաբանները իրականացնում են խախտված աշխատանքային իրավունքների պաշտպանություն ինչպես դատական, այնպես էլ վեճերի լուծման մինչդատական գործընթացների ժամանակ, իրականացնում են աշխատանքային իրավունքի ամենատարբեր խնդիրներին առնչվող ներկայացուցչություն և խորհրդատվություն:

Ընկերությունն ունի ինչպես գործատուների, այնպես էլ աշխատողների, այդ թվում նաև պետական ծառայողների աշխատանքային իրավունքների պաշտպանության մեծ փորձ:

        «Արմատ» իրավաբանական ընկերությունում աշխատանքային իրավունքի ոլորտում մատուցում են հետևյալ  ծառայությունները.

· Աշխատանքային իրավահարաբերությունների վերաբերյալ իրավաբանական խորհրդատվության տրամադրում.

· Աշխատանքային պայմանագրերի կազմում.

· Ընկերությունների կադրային գործի իրավաբանական ուղեկցման ծառայություն.

· Աջակցություն գործատուի նախաձեռնությամբ ամենատարբեր հիմքերով աշխատանքային պայմանագրի միակողմանի լուծման, աշխատանքային հարաբերությունների դադարեցման անհրաժեշտ փաստաթղթերի փաթեթը կազմելու, գործընթացը կազմակեպելու, ինչպես նաև, ըստ անհրաժեշտության, դատական ներկայացուցչություն իրականացնելու հարցերում.

· Աշխատողի մասնագիտական ունակությունների անբավարարության հիմքով աշխատանքային հարաբերությունները դադարեցնելու համար խորհրդատվության տրամադրում, անհրաժեշտ փաթեթի կազմում.

· Գործատուների պատվերով, աշխատողների համար սեմինարների կազմակերպում՝ գաղտնի տեղեկատվության չբացահայտման, անձնական տվյալների պահպանման, ներքին կարգապահական կանոնների առանձնահատկությունների և այլ հարցերի վերաբերյալ.

· Ներկայացուցչություն վարչական վարույթի ընթացքում, գործատուների և աշխատողների իրավունքների և օրինական շահերի պաշտպանություն.

· Աշխատանքային վեճերի հետ կապված բանակցությունների անցկացում և դատական ներկայացուցչություն.

· Գործատուի կողմից աշխատանքային օրենսդրության դրույթների խախտման հետևանքով աշխատողի ոտնահարված իրավունքների և օրինական շահերի պաշտպանություն.

· Ներկայացուցչություն վարչական վարույթի ընթացքում, գործատուների և աշխատողների իրավունքների և օրինական շահերի պաշտպանություն.

· Աշխատանքի վերականգնում.

· Աշխատանքային պայմանագրի լուծում.

· Առանց իրավական հիմքի աշխատանքից ազատման հետևանքով աշխատակցի ոտնահարված իրավունքների պաշտպանություն.

· Չվճարված աշխատավարձի բռնագանձման վեճերով շահերի պաշտպանություն.

· Ներքին կարգապահական կանոնների և գործատուի այլ ներքին իրավական ակտերի կազմում

· Աշխատողի իրավունքների խտրականորեն խախտման դեպքում իրավունքների պաշտպանություն: