2023 թվականի հունվարի 1-ից բոլոր իրավաբանական անձինք պարտավոր են ներկայացնել իրական շահառուների վերաբերյալ հայտարարագիր

ՀՀ-ում գրանցված իրավաբանական անձանց համար սահմանվել են նոր պարտավորություններ կապված իրական շահառուների հայտարարագրի ներկայացման հետ:

2023 թվականի հունվարի 1-ից  Հայաստանի Հանրապետության տարածքում գրանցված բոլոր իրավաբանական անձինք պարտավոր են  մինչև 2023 թվականի մարտի 1-ն ընկած ժամանակահատվածում ՀՀ ԱՆ իրավաբանական անձանց պետական ռեգիստրի գործակալություն ներկայացնել իրական շահառուների վերաբերյալ հայտարարագիր:

Իրական շահառու է համարվում «Փողերի լվացման և ահաբեկչության ֆինանսավորման դեմ պայքարի մասին» Հայաստանի Հանրապետության օրենքով սահմանված չափանիշներով իրավաբանական անձի իրական շահառու հանդիսացող անձը։Նշված պարտավորության ժամկետը  լրանում է 2023 թվականի մարտի 1-ին:Իրական շահառուների բացահայտման նպատակով պատշաճ ուսումնասիրություն չիրականացնելը կամ իրականացված պատշաճ ուսումնասիրության ընթացքում ձեռք բերված տեղեկությունները և փաստաթղթերն օրենսդրությամբ սահմանված ժամկետներում չպահպանելը՝ առաջացնում է տուգանքի նշանակում՝ սահմանված նվազագույն աշխատավարձի երեսնապատիկից հարյուրապատիկի չափով:

Հայտարարագիրը՝ դրա լրացման նկատմամբ ներկայացվող պահանջների կամ ներկայացման կարգի խախտմամբ ներկայացնելը՝ առաջացնում է տուգանքի նշանակում՝ սահմանված նվազագույն աշխատավարձի երեսնապատիկից հարյուրապատիկի չափով.Իրական շահառուների բացահայտման նպատակով պատշաճ ուսումնասիրություն չիրականացնելը կամ իրականացված պատշաճ ուսումնասիրության ընթացքում ձեռք բերված տեղեկությունները և փաստաթղթերն օրենսդրությամբ սահմանված ժամկետներում չպահպանելը՝ առաջացնում է տուգանքի նշանակում՝ սահմանված նվազագույն աշխատավարձի երեսնապատիկից հարյուրապատիկի չափով.

Վերոնշյալ արարքները կատարած անձը ազատվում է վարչական պատասխանատվությունից, եթե մինչև վարչական պատասխանատվության ենթարկվելու վերաբերյալ որոշում կայացնելը  նա վերացրել է  իր  թույլ տրված խախտումը և իրավաբանական անձանց պետական գրանցում իրականացնող  իրավասու պետական մարմին է ներկայացրել ապացույցներ այդ մասին:Մինչև յուրաքանչյուր տարվա փետրվարի 20-ը  իրավաբանական անձը պարտավոր է  գործակալություն ներկայացնել ՝հաստատում առ այն, որ  իրական շահառուների վերաբերյալ  գործակալություն ներկայացված  վերջին հայտարարագիրը  պարունակում է արդիական տեղեկություններ  նախորդ տարվա  դեկտեմբերի 31-ի դրությամբ, կամ փոփոխված տեղեկություններ իրավաբանկան անձի  իրական շահառուների վերաբերյալ: Համապատասխան տեղեկությունները  սահմանված ժամկետում չներկայացնելը ևս առաջացնում է վարչական պատասխանատվություն:Իրական շահառուների վերաբերյալ կեղծ տվյալներ ներկայացնելը կամ ներկայացման ենթակա տվյալները թաքցնելը առաջացնում է քրեական պատասխանատվություն ՀՀ քրեական օրենսգրքի 294-րդ հոդվածին համապատասխան:Հայտարարագիրը ներկայացնելու համար անհրաժեշտ է bo.e-register.am  համակարգում մուտք գործել  կազմակերպության էջը և առանց լրացնել  ու հանձնել  էլեկտրոնային հայտարարագիրը:

Հիշեցնենք, որ միասնականացվել է «Փողերի լվացման և ահաբեկչության ֆինանսավորման դեմ պայքարի մասին» օրենքով սահմանված «իրական շահառու» և ԱՃԹՆ-ի շրջանակում ներդրված և 2020 թվականից կիրառվող՝ «Իրավաբանական անձանց պետական գրանցման, իրավաբանական անձանց առանձնացված ստորաբաժանումների, հիմնարկների և անհատ ձեռնարկատերերի պետական հաշվառման մասին» օրենքում սահմանված «իրական սեփականատեր» հասկացությունները՝ առաջարկելով բոլոր դեպքերում կիրառել «իրական շահառու» (ԻՇ) հասկացությունը՝ միասնական չափանիշներով։